主页 > 探索世界 >[News] 【Back hug发功】好Man! 进击李準基

[News] 【Back hug发功】好Man! 进击李準基

由IU、李準基、姜河那主演嘅韩版《步步惊心》(月之恋人-步步惊心:丽)自播出以来,收视都唔及朴宝剑同金裕贞主演嘅《云画的月光》,虽然韩版《步步惊心》收视一直垫底,但话题性同埋喺大陆嘅点击率就相当好,所以剧组都不敢鬆懈,密密发新剧照力谷剧集。

今日剧组就公开咗李準基从后紧抱住IU嘅剧照,只见喺剧中饰演四皇子嘅李準基一面情深,并从后来一个令人心动嘅Back hug,紧紧抱住IU,估计下周一集会交代二人嘅感情动向,而剧组方面就话:「李準基、IU、姜河那三人将会陷入更激烈嘅情感瓜葛中,宫中争斗亦将会全面展开,请大家期待。」

另外,李準基对于剧集喺大陆点击破10亿,佢就喺Instagram留言感激粉丝。